काठमाडौँ । काठमाडौँको सिनामंगलमा मुख्य कार्यालय रहेको पञ्चरुपा बचत तथा ऋण सहकारी संस्थाका सञ्चालकहरू विरुद्धको अनुसन्धान प्रहरीले अन्तिम चरणमा पुर्याएको छ । बचतकर्ताहरूले २०८१ भदौ २ मा सहकारीका अध्यक्ष पुष्कल रिसालसहित १० जनाविरुद्ध जाहेरी दिएका थिए ।
बचतकर्ताहरूले उनीहरुविरुद्ध आपराधिक लाभ, सङ्गठित अपराध र सम्पत्ति शुद्धीकरण कसुरमा अनुसन्धान गर्न जाहेरी दिएका हुन् । जाहेरवालाहरूले उपाध्यक्ष भुवन सापकोटा, सचिव पुरन रावल, कोषाध्यक्ष राकेश जाख्वा, सञ्चालकहरू पुष्पबावु पाण्डे, धिरेन्द्र बराल, मंगलबहादुर तामाङ, राजकुमार शाह र लेखा संयोजक पुण्यश्वरी प्रजापतिलाई प्रतिवादी बनाएका छन् ।
