आयोगको ५७ सिफारिस सरकारको दराजमा, अर्बौँको राजस्व गुमाउँदै राज्य

काठमाडौँ । जुम्लाको तिला गाउँपालिकाले चालु आर्थिक वर्षको लागि ल्याएको बजेटमा आन्तरिक स्रोतबाट जम्मा २० लाख रुपैयाँ बराबरको राजस्व सङ्कलन गर्ने लक्ष्य राखेको छ । यो माथिल्ला तहका सरकारबाट प्राप्त हुने चार प्रकारका अनुदान र सूत्रमा आधारित राजस्व बाँडफाँट बाहेकको हिस्सा हो । 

यता, काठमाडौँ महानगरपालिकाले आइतबार सार्वजनिक गरेको बजेटमार्फत गरेको अघिल्लो वर्षको समीक्षामा आर्थिक वर्ष २०८१/८२ को असार २५ गतेसम्म ५ अर्ब ४९ करोड ८८ लाख रुपैयाँ सङ्कलन भएको देखिएको छ ।

स्थानीय सरकारका रूपमा रहेका गाउँपालिका तथा नगरपालिकाबिचको स्रोतको भिन्नताको उदाहरण हो यो । यो अवस्थाले स्थानीय तहहरू सङ्घीय सरकार तथा प्रदेश सरकारबाट प्राप्त अनुदानको आधारमा मात्रै ‘सर्भाइभ’ गरिरहेका छन् भन्ने देखिन्छ ।