बैंक तथा वित्तीय संस्थाको निक्षेप निरन्तर बढ्दै, पुग्यो ७१ खर्ब ८८ अर्ब, कर्जा प्रवाह सुस्त

पछिल्लो समय बैंक तथा वित्तीय संस्थामा निक्षेप बढ्दै गएको छ । नेपाल राष्ट्र बैंकको पछिल्लो तथ्यांक अनुसार बैंक तथा वित्तीय संस्थाको निक्षेप ७१ खर्ब ८८ अर्ब पुगेको हो । 

नेपाल राष्ट्र बैंकको असार २३ गतेसम्मको तथ्यांक अनुसार वाणिज्य बैंक, विकास बैंक र वित्तीय संस्थाहरुमा उक्त रकम निक्षेप रहेको छ । असार २२ गते बैंक तथा वित्तीय संस्थाहरुमा ७१ खर्ब ७१ अर्ब रुपैयाँ निक्षेप रहेको थियो । निक्षेपमध्ये वाणिज्य बैंकहरुमा मात्रै ६४ खर्ब ३७ अर्ब रुपैयाँ निक्षेप रहेको छ । त्यस्तै अन्य बैंक तथा वित्तीय संस्थाहरुमा ७ खर्ब ५१ अर्ब रुपैयाँ निक्षेप संकलन भएको छ ।