चालु आर्थिक वर्षको जेठ मसान्तसम्म जीवन बीमा कम्पनीहरुले १ खर्ब ५५ अर्ब १५ करोड रुपैयाँको व्यवसाय गरेका छन् । १४ वटा जीवन बीमा कम्पनी र ३ वटा लघु जीवन बीमा कम्पनीहरुले संयुक्त रुपमा १ करोड ५४ लाख ९८ हजार ७०१ वटा बीमालेख जारी गरेका सो बराबरको व्यवसाय गरेका हुन ।
बीमा शुल्क संकलनको हिसाबले नेपाल लाइफ इन्स्योरेन्स कम्पनी जहिले पनि ‘ननमुभर’को रुपमा एक नम्बरमै रहेको छ । कम्पनीले कुल बीमा शुल्क संकलनको झन्डै १ चौथाई हिस्सा ओगटेको छ । एक चौथाई हिस्सा ओगटे पनि कम्पनीको सक्रिय बीमालेख भने २० लाख ८१ हजार २२ वटा मात्रै रहेको छ जुन बीमालेख सख्याको हिसाबले दोस्रो नम्बरमा रहेको छ ।
बीमा शुल्क संकलनको आधारमा दोस्रो नम्बरमा नेसनल लाइफ रहेको छ जसले कुल बीमा शुल्कको १२ दशमलब १८ प्रतिशत हिस्सा रहेको छ । नेसनलले १८ अर्ब ९० करोड ४७ लाख रुपैयाँ बीमा शुल्क संकलन गरेको थियो । कम्पनीको जेठ महिनासम्म १५ लाख २१ हजार ५ सय २९ वटा सक्रिय बीमा लेख रहेको छ । तेस्रोमा लाइफ इन्स्योरेन्स कर्र्पोरेसन १७ अर्ब २४ करोड रुपैयाँ संकलन गरेको छ जुन कुल बीमा ११ दशमलब ११ प्रतिशत रहेको छ ।
