इरानको केन्द्रीय बैंक सेन्टल बैंक अफ द इस्लामिक रिपब्लिक अफ इरान (बैंक मोरकाजी) लाई इजरायलले आतँकबादी संस्था घोषणा गरेको छ ।
दुई देशबीच १२ दिनसम्म भएको रक्तपातपूर्ण लडाई युद्धबिराम भएर रोकिएको अर्काे दिन नै इजरायलले त्यस्तो घोषणा गरेको हो ।
कुनै पनि देशले कुनै अर्काे देशको केन्द्रीय बैंकलाई आतँकबादी संस्था घोषणा गरिएको यो नै पहिलो घटना हो । यो घटनाले अमेरिकाको दबाबमा दुई देशबीच भएको युद्धबिराम कुनै पनि बेला भंग हुने खतरा बढेको बताइएको छ । दुवै देशले एक अर्काेलाई युद्ध बिराम उल्लंघनको आरोप लगाउँदै त्यसको परिणाम घातक हुने चेतावनी दिइरहेका छन् ।
