मकवानपुर । बागमती प्रदेश सरकारको बजेटमा विपद् व्यवस्थापनका विषयलाई समुचित ढंगले समेट्न सकेको देखिँदैन ।
गत असोजमा प्राकृतिक विपदबाट थला परेको बागमती प्रदेशमा सरकारले जोखिम नियन्त्रण तथा व्यवस्थापनको काममा पर्याप्त बजेट छुट्ट्याउन नसकेको हो ।
सरकारले नियमित र प्रक्रियागत कार्यका लागि बजेटमा सम्बोधन गरे पनि प्रभावकारी ढंगको कार्यक्रम ल्याउन नसकेको हो । बहुप्रकोप विपदको जोखिममा रहेको बागमती प्रदेशमा सरकारले जोखिम नियन्त्रण, मूल्याङ्कन, व्यवस्थापन तथा उद्धार, राहतमा पर्याप्त बजेट विनियोजन गर्न सकेको छैन ।
