अहिले देशको आर्थिक अवस्था शिथिल अवस्थामा रहेको उद्योगी व्यवसायीहरुको भनाइ छ । अहिले आर्थिक अवस्था चलायनमान बन्न नसकिरहेको अवस्था छ । तर, नेपाल राष्ट्र बैंकको तथ्यांकले भने अर्थतन्त्रका सबै सूचक सकारात्म देखाएको छ । तथ्यांकमा भएको सकारात्मकता व्यवहारमा देखिन सकेको छैन् ।
अहिले सबैले अर्थतन्त्रमा संकुचन रहेको र आर्थिक गतिविधि चलायमान बन्न सकेको वताइरहेका छन् । यस्तोमा राष्ट्र बैंकले मंगलबार सार्वजनिक गरेको चालु आर्थिक वर्षको १० महिनासम्मको आर्थिक तथा वित्तीय स्थितिको तथ्यांकअनुसार अर्थतन्त्रका अधिकांश सूचकहरू सकारात्मक देखिएका छन् । केन्द्रीय बैंकको तथ्यांक अनुसार महँगी नियन्त्रणमा छ, विदेशी मुद्रा सञ्चिति बढेको छ, शोधनान्तर खाता र चालु खाता बचतमा छन् । त्यस्तै रेमिट्यान्स पनि पर्याप्त भित्रिएको छ । जसले अर्थतन्त्रलाई ठिक रहेको देखाएको देखाउँछ । तर वास्तविकतामा भने त्यो देखिदैन् । अहिले अर्थतन्त्र निकै संकुचनमा रहेको व्यवसायीहरुको भनाइ छ ।
