धनगढी — संघीय सरकारले आगामी आर्थिक वर्ष २०८२/०८३ का लागि बिहीबार प्रतिनिधिसभामा प्रस्तुत गरेको बजेट वक्तव्यमा सुदूरपश्चिम प्रदेशअन्तर्गत सञ्चालन हुने अधिकांश विकास आयोजनामा बजेट अंक किटान गरिएको छैन। सरकारले १९ खर्ब ६४ अर्ब ११ करोडको बजेट सार्वजनिक गर्दा सुदूरपश्चिममा भने नयाँ आयोजनाको नाम भेटिँदैन।
त्यसैमा अधिकांश पुराना योजनालाई नै निरन्तरता दिइएको छ । त्यो पनि बजेट रकम उल्लेख नगरीकनै ।
