वीरेन्द्रनगर : कालीकोटको नरहरीनाथ गाउँपालिका–८ लालुका उमेश बिष्टको वैदेशिक रोजगारीमा जानु बाध्यता हो । सुखद र सुरक्षित भविष्यको सपना पूरा गर्ने एक मात्र विकल्प पनि वैदेशिक रोजगारी हो । उनी २०७३ साल साउनमा मलेसिया गए । मलेसिया जानुभन्दा पहिले भारत गएका थिए ।
तर, भारतको कमाईभन्दा राम्रो कमाई खाडीमुलुकमा हुने थाहा पाएपछि उनी आफ्नै निर्णयले मलेसिया गए । मलेसियामा झन्डै साढे तीन वर्ष बिताएर २०७६ असोजमा घर फर्किए । उनले मलेसियामा रहँदा झन्डै २० लाख कमाई गरे ।
