काठमाडौँ — बिमाप्रति विश्वासनीयता बढ्ने गरी जिम्मेवार पूर्वक काम गर्न बिमा प्राधिकरणले निर्देशन दिएको छ । प्राधिकरण मधेश प्रदेश कार्यालयको आयोजनामा वीरगञ्जमा बिमा कम्पनीका प्रदेश कार्यालयका प्रमुखहरूसँग भएको अन्तर्क्रिया कार्यक्रममा अध्यक्ष सरद ओझाले जिम्मेवारीपूर्वक काम गर्न बिमा कम्पनीहरुलाई निर्देशन दिएका हुन् ।
अध्यक्ष ओझाले बिमा कम्पनीहरूको जोखिमाङ्कन सही भएमा दाबी भुक्तानीमा समस्या नआउने बताए । जोखिमाङ्कन सही रुपमा गर्न र बजारमा कुनै पनि समस्या नआउने गरी बिमा ऐन नियम बमोजिम काम गर्न उनले निर्देशन दिएका हुन् ।
