बेनी : म्याग्दीको रघुगंगा गाउँपालिकामा ३७ दशमलव पाँच मेगावाट क्षमताको चिमखोला–मंगले–राहुघाट जलविद्युत् आयोजना निर्माण भएको छ।
तुदी पावर कम्पनी लिमिटेड प्रवर्द्धक रहेको आयोजनाको बाँध, डिसेन्डर (पानी थिग्र्याउने पोखरी) र सुरुङमा पानी हालेर परीक्षण थालिएको छ।
आयोजनाका आवासीय इन्जिनियर प्रकाश तिमिल्सिनाले मे महिनाको १५ तारिकका दिन परीक्षण उत्पादन सुरु गर्ने समय तालिकाअनुसार भौतिक संरचनाको परीक्षण सुरु गरेको जानकारी दिए।
