आर्थिक वर्ष २०८१/८२ को आठ महिनामा वैदेशिक सहायता प्रतिबद्धता उल्लेखनीय रूपमा वृद्धि भएको छ।
साउनदेखि फागुन मसान्तसम्मको अवधिमा नेपालले कुल दुई खर्ब २१ अर्ब ९९ करोड ८७ लाख रूपैयाँ बराबरको वैदेशिक सहायता प्रतिबद्धता प्राप्त गरेको अर्थ मन्त्रालयले जनाएको छ। यो अघिल्लो आर्थिक वर्षको सोही अवधिको तुलनामा दोब्बरभन्दा बढी हो। गत वर्षको सोही अवधिमा नेपालले एक खर्ब एक अर्ब १९ करोड ६१ लाख रूपैयाँ बराबरको सहायता प्रतिबद्धता प्राप्त गरेको थियो।
