विकास बैंकको नाफा सुधारोन्मुख, निक्रिय कर्जा किन थामिएन?

काठमाडौं - चालु आर्थिक वर्षको नौ महिनासम्म सञ्चालनमा रहेका राष्ट्रियस्तरका ८ वटा विकास बैंकहरूले कुल ३ अर्ब ६९ करोड रुपैयाँ नाफा कमाएका छन्, जुन अघिल्लो वर्षको तुलनामा ४.३५ प्रतिशतले वृद्धि भएको हो। गरिमा विकास बैंकजस्ता केही संस्थाहरूले उल्लेखनीय लाभ देखाए पनि, ८ मध्ये २ वटा बैंकको नाफा घटेको देखिन्छ।

यसबीच, बैंकहरूको कुल खुद ब्याज आम्दानी १५ अर्ब ४५ करोड रुपैयाँ पुगेको छ, जुन गत वर्षको तुलनामा उल्लेखनीय वृद्धि हो। तर, उज्यालो पक्षसँगै समस्याहरू पनि थपिँदै गएका छन्। सबै ८ वटा विकास बैंकहरूको निष्कृय कर्जा (NPL) वृद्धि भई औसत ५.०४ प्रतिशतमा पुगेको छ, जुन अघिल्लो वर्षभन्दा १.४७ प्रतिशत विन्दुले बढी हो।

बढ्दो NPL र प्रोभिजनको चापका कारण बैंकहरूको खुद नाफा दबाबमा परेको छ। घरजग्गा क्षेत्रमा केन्द्रित कर्जा प्रवाह, मूल्य गिरावट, राजनीतिक हस्तक्षेप र प्रभावशाली ग्राहकहरूलाई प्राथमिकता दिने प्रवृत्तिले प्रणालीगत जोखिम बढाएको विश्लेषकहरूको भनाइ छ।

यस्ता चुनौतीबीच पनि विकास बैंकहरूको समग्र नाफा सकारात्मक मोडमा रहेकाले यदि खराब कर्जालाई नियन्त्रण गर्न सकियो भने, आगामी त्रैमासहरूमा अझ राम्रो सुधारको अपेक्षा गर्न सकिने देखिन्छ। तर, दीर्घकालीन सुधारका लागि रणनीतिक पुनर्समीक्षा र कर्जा प्रवाहको विवेचना आवश्यक देखिन्छ।

जानाै तेस्राे त्रैमाससम्ममा राष्ट्रिय स्थरका विकास बैंकले कति नाफा आर्जन गरे ?

3rd Quarter Comparison (FY 2081–82 vs 2080–81), Amount in Rs. '000