सप्तरी — मधेशका मुख्यमन्त्री सतीशकुमार सिंह तिलाठी कोइलाडी गाउँपालिका अध्यक्ष छँदा उनको विशेष योजना थियो, संग्रहालय निर्माण । गाउँपालिकाको वडा नम्बर–४ कोइलाडीस्थित आफ्नो घरभन्दा दुई सय मिटर पर वडा कार्यालय छेउमा उनले संग्रहालय निर्माणका लागि खाल्डो भएको जग्गामा माटो पुरेर संग्रहालय निर्माणको योजना बनाएका थिए ।
संग्रहालय, पुस्तकालय र सभाकक्ष निर्माणका लागि संघीय पर्यटन मन्त्रालयले बजेट उपलब्ध गराएको थियो । सोही आधारमा २ माघ २०७८ मा पालिकाका तत्कालीन प्रमुख प्रशासकीय अधिकृत केशवकुमार झा र ओम साइराम कन्स्ट्रक्सन ललितपुरबीच संग्रहालय निर्माणका लागि ५ करोड ६८ लाख १८ हजारमा निर्माण सम्झौता भएको थियो ।
