वासिङ्टन: अमेरिकी राष्ट्रपति डोनाल्ड ट्रम्पले बिहीबार क्यानाडा र मेक्सिकोमाथि लगाउन लागिएको भन्सार शुल्क केही समयका लागि ढिला गरेका छन्। यसले क्यानाडाले थप प्रतिकारी कदम चाल्न रोक्दै वित्तीय बजारमा पारेको नकारात्मक प्रभाव कम गरी कम्पनी तथा उपभोक्तालाई राहत दिएको छ।
अर्थशास्त्रीहरूले व्यापक भन्सार शुल्कले अमेरिकी अर्थतन्त्रलाई नोक्सानी पुग्ने र मुद्रास्फीति बढाउने चेतावनी दिएपछि मङ्गलबार २५ प्रतिशत भन्सार शुल्क लागू भएको दिन नै सेयर बजार ढलेको थियो। यसैको प्रतिक्रियास्वरूप ट्रम्पले उत्तर अमेरिकी व्यापार सम्झौता (युएसएमसिए) अन्तर्गत क्यानाडा र मेक्सिकोबाट आयात हुने वस्तुमा नयाँ शुल्क लगाउने निर्णय रोके। तर उनले यो निर्णय बजारको अस्थिरतासँग जोडिएको भन्ने आलोचना खारेज गरे।
