काठमाडौं । २ वर्षदेखि रोकिरहेको बिमा नियमावली स्वीकृत भएको छ । गत सोमबार बसेको मन्त्रिपरिषद्कोे बैठकले बिमा ऐन, २०७९ जारी भएको २६ महिनापछि बिमा नियमावली, २०८१ स्वीकृत गरेको हो ।
२२ कात्तिक २०७९ मा बिमा ऐन, २०७९ लागू भएको थियो । बिमा नियमावली पारित नहुँदा बिमासम्बन्धी कामकारबाहीमा प्रत्यक्ष एवं अप्रत्यक्ष रूपमा असर परिरहेको थियो ।
बिमा प्राधिकरणले ऐन जारी भएको १० महिनामा मस्यौदा गरेर पठाएको भए पनि अर्थ मन्त्रालयले नियमावली पारित गर्न अलमल गर्दै आएको थियो ।
