पुस महिनामा करिब पाँच अर्ब रूपैयाँ बराबरको विदेशी लगानी स्वीकृत भएको छ।
उद्योग विभागका अनुसार अटोमेटिक रूट र प्रत्यक्ष रूपमा गरी ३५ परियोजनाको लागि चार अर्ब ९९ करोड ९१ लाख रूपैयाँ बराबरको लगानी स्वीकृत गरिएको हो।
यसमध्ये एक ठूलो उद्योग, एक मध्यम उद्योग र ३३ साना उद्योग रहेका छन्।
६ महिनाको अवधिमा भने ३५४ परियोजनाको लागि २५ अर्ब २७ करोड लगानी प्रतिबद्धता प्राप्त भएको छ।
यी मध्ये ३४५ साना, ५ मझौला र ४ वटा ठूला उद्योग रहेका छन्।
