काठमाडौं । चालू आवको पाँच महिनामा वाणिज्य बैंकहरूले कुल रू. ३० अर्ब २४ करोड नाफा कमाएका छन् । नेपाल राष्ट्र बैंकले सार्वजनिक गरेको तथ्यांक अनुसार वाणिज्य बैंकहरूले मंसिर महिनासम्म सो बराबरको नाफा कमाएका हुन् ।
अघिल्लो आवको पाँच महिनामा बैंकहरूले कुल रू. २८ अर्ब ३६ करोड नाफा कमाएका थिए । यो आधारमा हेर्दा यस वर्षको नाफा ६ दशमलव ६० प्रतिशत वृद्धि भएको छ । चालू आवको पाँच महीना अर्थात मंसिर मसान्तसम्ममा सबैभन्दा बढी नाफा कमाउनेमा नबिल बैंक रहेको छ । यस बैंकले मङ्सिर मसान्तसम्ममा रू. ३ अर्ब ४९ करोड भन्दा बढी नाफा कमाएको छ । यो नाफा गत आवको तुलनामा १७ दशमलव ७८ प्रतिशत वृद्धि भएको हो । सो अवधिमा बैंकले रू. २ अर्ब ९६ करोड नाफा कमाएको थियो ।
