नेपाल टेलिकमको १७औं वार्षिक साधारणसभा आज (आइतबार) सम्पन्न भएको छ।
राष्ट्रिय सभा गृह काठमाडौंमा सम्पन्न भएको साधारणसभाले आर्थिक वर्ष २०८०-८१ को मुनाफा रकम मध्येबाट प्रतिसेयर ३० रूपैयाँका दरले सेयरधनीहरूलाई नगद लाभांश वितरण गर्ने प्रस्ताव सर्वसम्मत पारित गरेको छ।
उक्त सभाले आर्थिक वर्ष २०८०-८१ को सञ्चालक समितिको वार्षिक प्रतिवेदन र लेखापरीक्षकको प्रतिवेदन सहित २०८१ असार मसान्तको वासलात, नाफा नोक्सान हिसाब, नगद प्रवाह विवरण तथा अन्य अनुसूचीहरू उपर छलफल गरी सर्वसम्मतले पारित गरेको छ।
