काठमाडौं । नेकपा (एमाले) केन्द्रीय कमिटीको आठौं बैठकमा प्रधानमन्त्री तथा अध्यक्ष केपी शर्मा ओलीले मुलुकको अर्थतन्त्रमा सुधार भएको र पुँजीगत खर्चमा सुधार भएको प्रतिवेदन प्रस्तुत गरे पनि यथार्थमा भने मुलुकको पुँजीगत खर्च कमजोर रहेको छ ।
प्रधानमन्त्री ओलीले मुलुकको अर्थतन्त्र चलायमान भएको जिकिर गरेको प्रतिवेदनमा उल्लेख भए पनि पुँजीगत खर्चको अभाव र बैंकहरूमा अधिक तरलताले अर्थतन्त्र सुस्त रहेको छ ।
पुँजीगत खर्च र वैदेशिक अनुदान प्राप्तिमा झनै कमजोर
चालू आर्थिक वर्षको साढे पाँच महिनामा सरकारले जम्मा ३१ दशमलव १६ प्रतिशत मात्र खर्च गर्न सकेको छ । सरकारले राजस्व पनि ३१ दशमलव ५४ प्रतिशत मात्र जुटाउन सकेको छ ।
