सुन ओसारेको अभियोगमा ९ जनाविरुद्ध मुद्दा

काठमाडौँ — अवैध रूपमा सुन ओसारपसार गरेको अभियोगमा ५ भारतीयसमेत ९ जनाविरुद्ध करिब २६ करोड रुपैंयाँ मागदाबी गर्दै राजस्व अनुसन्धान विभागले उच्च अदालत पाटनमा दुईवटा मुद्दा दायर गरेको छ । विभागले शुक्रबार सार्वजिनक गरेको सूचनाअनुसार जिल्ला प्रहरी कार्यालय मकवानपुरले अवैध रूपमा ओसारपोसार गरिरहेको अवस्थामा सुन बरामद गरेको थियो ।

सोही घटनाको अनुसन्धानका क्रममा प्रहरी प्रतिवेदनका आधारमा राजस्व अनुसन्धान कार्यालय बारा पथलैयाले मुद्दा दायर गरेको हो । अनुसन्धान विभागको अनुमतिअनुसार पथलैयाले उच्च अदालत पाटनअन्तर्गतको हेटौंडा इजालसमार्फत उच्च अदालत पाटनमा मुद्दा दायर गरेको हो ।