काठमाडौँ । सरकारले लामो समयदेखि भुक्तानी नदिएपछि निर्माण व्यवसायीहरू आन्दोलित हुने भएका छन्। बिहीबार काठमाडौँमा पत्रकार सम्मेलन गर्दै निर्माण व्यवसायी महासंघले आन्दोलन गर्ने चेतावनी दिएको हो ।
महासंघका महासचिव रोशन दाहालले यही पुस २७ गते राजधानीमा देशभरका निर्माण व्यवसायी भेला हुने र सोही भेलाको म्यान्डेट अनुसार आन्दोलनमा जाने बताए । 'सरकारसँग पटक-पटक हारगुहार गर्दा पनि निर्माण व्यवसायीले ठुलो रकम भुक्तानी पाउन सकेनौँ,’ सचिव दाहालले भने, ‘दुई वर्ष अघि देखिको भुक्तानी पाउन सकेका छैनौँ ।’
