काठमाडौँ । नेपालमा सञ्चालित दुई तिहाई भन्दा धेरै होटल तथा रेष्टुरेन्ट अझै ऋणको दायराबाट बाहिर रहेको देखिएको छ। राष्ट्रिय तथ्यांक कार्यालयले सार्वजनिक गरेको राष्ट्रिय होटल तथा रेष्टुरेण्ट सर्वेक्षणले ७१.६ प्रतिशत बराबरका यस्ता संस्थाहरु यो दायराबाट बाहिर देखिएका छन् । बाँकी रहेका २८.४ प्रतिशतले मात्रै ऋण लिएका छन् ।
ऋण लिनेको यो संख्या बैंक, वित्तीय संस्था, लघुवित्त संस्था तथा सहकारी संस्था समेतको हो । अहिले बैंकिङ क्षेत्रमा तरलता तथा लगानीयोग्य रकम फालाफाल भइरहेको अवस्था छ । यो तथ्यांक भने २०८० को सर्भेक्षणमा आधारित हो ।
