काठमाडौँ — छुर्पीको निर्यात उत्साहजनक रूपमा बढेको छ । चालु आर्थिक वर्षको ४ महिनामा ६ लाख २१ हजार ७ सय ४७ किलो निर्यात भएको हो । उक्त निर्यातबाट १ अर्ब १५ करोड रुपैयाँ भित्रिएको भन्सार विभागको तथ्यांक छ ।
अमेरिका, क्यानडा, ब्राजिल, चीन, ग्रिस, जापान, दक्षिण कोरिया, मलेसिया, सिंगापुर, युके, युक्रेनलगायत मुलुकमा छुर्पी निर्यात हुने विभागले जनाएको छ । त्यसमध्ये औसतमा करिब ९० प्रतिशत नै अमेरिका निर्यात हुने गरेको विभागको भनाइ छ ।
