काठमाडौं । चालू आर्थिक वर्षको चार महिनामा बैंक तथा वित्तीय संस्थाहरूबाट निजी क्षेत्रमा प्रवाहित कर्जा एक खर्ब २८ अर्ब ४७ करोड रुपैयाँले बढे तापनि अधिक तरलता भने यथावत् नै रहेको छ । कर्जा बढे तापनि बैंक तथा वित्तीय संस्थामा भने अधिक तरलता ७ खर्बकै हाराहारीमा छ ।
एक खर्ब २८ अर्ब रुपैयाँले बढ्यो कर्जा
अघिल्लो वर्षको सोही अवधिमा यस्तो कर्जा ९९ अर्ब ४० करोड रुपैयाँ मात्र प्रवाह भएको थियो । चालू आर्थिक वर्षको कर्जा प्रवाह अघिल्लो वर्षको भन्दा साढे २ प्रतिशतले बढेको नेपाल राष्ट्र बैंकले जनाएको छ । वार्षिक बिन्दुगत आधारमा भने कात्तिक मसान्तमा बैंक तथा वित्तीय संस्थाहरूबाट निजी क्षेत्रतर्फ प्रवाहित कर्जा ६.२ प्रतिशतले बढेको तथ्यांक केन्द्रीय बैंकको रहेको छ ।
