भारत सरकारले सञ्जय मल्होत्रालाई भारतीय केन्द्रीय बैंक, ‘रिजर्भ बैंक अफ इण्डिया(आरबीआई) ’को नयाँ गभर्नर नियुक्त गरेको छ । यसअघि राजस्व सचिव रहेका मल्होत्रालाई भारतीय प्रधानमन्त्री नरेन्द्र मोदीले गभर्नरमा नियुक्त गरेका हुन् ।
मल्होत्रा आरबीआईको २६ औं गभर्नरमा नियुक्त भएका हुन्। उनी वर्तमान गभर्नर शक्तिकान्त दासलाई प्रतिस्थापन गर्दै डिसेम्बर ११ बाट पदभार ग्रहण गर्नेछन्।
