सरकारले बक्यौता रकम नतिरेको गुनासो निर्माण व्यवसायीले गरिरहँदा अर्थमन्त्री विष्णुप्रसाद पौडेलले फेरि एक साताको म्याद दिएका छन्।
उनले रित पुर्याएर आएको कुनै पनि भुक्तानी नरोकिने र बजेटको कारण यस्तो समस्या नपर्ने प्रतिबद्धता पनि गरेका छन्।
पछिल्लो तीन वर्षदेखि निर्माण व्यवसायीले भुक्तानी नपाएको गुनासो गरिरहेका छन्। विशेषगरी अर्थमन्त्री र प्रधानमन्त्रीले भने 'यो समयभित्र भुक्तानी दिन्छौँ भन्दै' समय तोकिरहेका छन्।
समस्या भने समाधान हुन सकेको छैन। सरकारको प्रतिबद्धतामा निर्माण व्यवसायीको विश्वास भने देखिँदैन।
