मूल्य घटेपछि सुनको माग निकै बढेको छ।
सरकारले एकै पटक १० प्रतिशत विन्दुले भन्सार महसुल घटाएको तथा अन्तर्राष्ट्रिय बजारमा पनि मूल्यमा कमी आएको कारण स्थानीय बजारमा १८/१९ हजार रूपैयाँले घटेको छ।
यसपछि ग्राहकको चासो निकै बढेपछि सुन अभावको कारण बिक्री गर्न नसकिएको दाबी व्यवसायीहरूको छ।
'ग्राहकहरू आइरहनु भएको छ तर हामीले रित्तै हात पठाएका छौँ, पहिले अर्डर (सोही दिनको मूल्यमा पछि दिने गरी) पनि लिएका थिएनौं, अहिले केही अर्डर लिएका छौँ,' सुनचाँदी व्यवसायी तेजरत्न शाक्यले बताए।
