६ मंसिर, काठमाडौं । बुधबार धितोपत्रको दोस्रो बजारमा आत्मनिर्भर लघुवित्त वित्तीय संस्थाको सेयर मूल्य कित्ताको ५ हजार १ सय रुपैयाँ पुगेर बन्द भयो । यस्तै समाज लघुवित्तको सेयर प्रतिकित्ता ३ हजार ५ सय ९७ मा बन्द भयो ।
दुवै लघुवित्तले चालु आर्थिक वर्ष २०८१/८२ को प्रथम त्रैमासको वित्तीय विवरण प्रकशित गरेका छन् ।
६ करोड ८६ लाख रुपैयाँ चुक्ता पूँजी रहेको आत्मनिर्भर लघुवित्तले प्रथम त्रैमासमा ४३ लाख ५३ हजार रुपैयाँले नोक्सानीमा रहेको वित्तीय विवरण प्रकाशित गरेको छ ।
