नेपाल विद्युत् प्राधिकरणका प्रबन्ध निर्देशक कुलमान घिसिङलाई दोस्रो पटक स्पष्टीकरण सोधिएको छ। यही कात्तिक १३ गते ऊर्जा सचिव सुरेश आचार्यले बिदा बाहेक सातदिनको म्याद दिएर घिसिङलाई ६ बुंदे स्पष्टीकरण पत्र पठाएको स्रोतले जनाएको छ।
६ बुंदे स्पष्टिकरणमा यसअघि सोधिएको स्पष्टीकरणको जवाफ समयमा नदिनुको, डेडिकेटेड र ट्रंकलाइनको महसुल समयमै नउठाउनुको लगायतका बिषयबारे सोधिएको छ।
६ बुंदे स्पष्टीकरण जवाफ पठाउने आज अन्तिम दिन भएपनि हालसम्म घिसिङले यसको जवाफ नपठाएको ऊर्जा मन्त्रालयले जनाएको छ । प्राधिकरणका प्रवक्ता चन्दन कुमार घोषले कुलमानलाई ६ बुंदे स्पष्टिकरण सोधिएकोबारे पुष्टि गरेका छन्।
