नेपाल बीमा प्राधिकरणमा पहिलो पटक उप कार्यकारी निर्देशक पदको सृजना गरिएको छ । सञ्चालक समितिको बुधबारको बैठकले मन्त्रालयका सचिव सरहको बिशिष्ट श्रेणी तहका दुई जना उप कार्यकारी निर्देशक पद सिर्जना गर्ने निर्णय गरेको हो ।
प्राधिकरणमा हाल एक मात्रै विशिष्ट श्रेणीको पद कार्यकारी निर्देशक रहेकोमा अब तीन जना बिशिष्ट श्रेणीका कर्मचारी रहने भएका छन् । उनीहरुको पदावधि पनि सचिव सरह ५ वर्ष नै हुनेछ ।
अर्थमन्त्री विष्णु पौडेल नियुक्त भएपछि अर्थमन्त्रालयको तर्फबाट प्रतिनिधित्व प्राधिकरणको संचालक समितिमा प्रतिनिधित्व गरिरहेका सञ्चालक मदन दाहालसमेतको उपस्थितिमा भएको बैठकले सर्व सम्मत निर्णय गरेकोले उक्त निर्णयप्रति मन्त्रालको समेत सहमती रहेको मानिएको छ ।
