धितोपत्र बोर्ड अध्यक्ष नियुक्ति प्रक्रिया फेरि रोकिएको छ।
पहिले छानिएर अन्तर्वार्ता दिन बाँकी सदस्यलाई फेरि पनि अन्तरवार्ता दिन बोलाइएको थियो। तर, शुक्रबार बोलाइएको कार्ययोजना प्रस्तुति र अन्तरवार्तामा फेरि पनि तीनै सदस्य उपस्थित भएनन्।
धितोपत्र बोर्डका कार्यकारी निर्देशक डा. नवराज अधिकारी, नेपाल स्टक एक्सचेन्ज (नेप्से) का प्रमुख कार्यकारी अधिकृत कृष्ण बहादुर कार्की र नेपाल बीमा प्राधिकरणका पूर्वअध्यक्ष चिरञ्जीवी चापागाईंलाई अन्तर्वार्ता र प्रस्तुतिको लागि बोलाइएको थियो।
यसअघि पनि उनीहरू अनुपस्थित हुँदै आएका थिए। शुक्रबार अध्यक्ष सिफारिस समितिका संयोजक, राष्ट्रिय योजना आयोगका उपाध्यक्ष डा.शिवराज अधिकारी पनि उपस्थित थिएनन्।
