उद्योग, वाणिज्य तथा आपूर्तिमन्त्री दामोदर भण्डारीले विपद्जन्य अवस्थाले केही दिन तरकारी अभाव देखिए पनि दैनिक उपभोग्य वस्तुको अभाव बजारमा नरहेको बताएका छन् । बजारमा दैनिक उपभोग्य वस्तुको अभाव हुन नदिन देशका ४४ जिल्लाका ६१ स्थानमा मन्त्रालयले सूपथ मूल्य पसल सञ्चालन गरिएको मन्त्रालयले जनाएको छ ।
मन्त्री भण्डारीले विपद्जन्य अवस्था र चाँडपर्वका बेला कोही कसैले बजारमा दैनिक उपभोग्य वस्तुको कृत्रिम अभाव गरे वा मूल्यवृद्धि गरे कडा कारबाही गरिने चेतावनी समेत दिएका छन् ।
