नेप्से बढ्नुलाई आफ्नो सरकारप्रति जनताले गरेको भरोसाको रुपमा लिएका प्रधानमन्त्री केपी शर्मा ओलीले आज पत्रकार सम्मेलन गर्दै छन् । उनले दिउँसो ४ बजे पत्रकार सम्मेलन गर्न लागेका हुन ।
प्रधानमन्त्री तथा मन्त्रिपरिषद्को कार्यालय, सिंहदरबारमा दिउँसो ४ बजे पत्रकार सम्मेलन हुने सचिवालयले जनाएको छ ।
प्रधानमन्त्री ओलीले आफूले सत्ता सम्हालेपछि बढिरहेको नेप्से परिसूचकलाई आफ्नो सरकारप्रति जनताले गरेको भरोसाको रुपमा व्याख्या गरेका थिए । ५० लाख बढी जनता संलग्न शेयर बजार नयाँ सरकार आएपछि नै उच्च अंकले बढ्नु आफ्नो सरकारप्रति जनताले देखाएको विश्वासको रुपमा उनले लिएका थिए । ‘अब शेयर बजार मात्र होइन, देशको सबै बजार चलायमान हुने छ,’ उनले भनेका थिए ।
