काठमाडौं । विशेष अदालतले भित्री सूचनाका आधारमा सेयरबाट सम्पत्ति कमाउनुलाई सम्पत्ति शुद्धीकरणको कसुर मान्नुपर्ने व्याख्या गरेको छ । रिडी हाइड्रोपावर लिमिटेडका अध्यक्ष गुरुप्रसाद न्यौपानेविरुद्धको सम्पत्ति शुद्धीकरणको मुद्दामा विशेष अदालतका अध्यक्ष टेकनारायण कुँवर, सदस्यहरू रामबहादुर थापा र मुरारीबाबु श्रेष्ठको इजलासले सो व्याख्या गरेको हो ।
विशेष अदालतले गुरु न्यौपानेको चार जनाको परिवार रहेको र उनीहरू आश्रित रहेको भन्दै १ वर्ष मात्रै कैद फैसला सुनाएको हो । विशेषले उनलाई ३ करोड ९८ लाख रुपैयाँ जरिमाना हुने ठहर गर्दै उनको सम्पत्तिबाट थप १ करोड ९९ लाख रुपैयाँ जफत गर्न आदेशसमेत दिएको छ ।
