काठमाडौँ । नेकपा एमालेका सांसद पदम गिरीले एउटा समितिले एउटा निर्णय गरिसकेपछि अर्को समितिको बैठक बसेर अर्कै निर्देशन दिने परिपाटीले असमझदारी बढ्दै गएको बताएका छन् । आइतबार अर्थ समितिको बैठकमा बोल्दै उनले यस्तो परिपाटीलाई समितिका सभापतिहरूले बसेर समाधान गर्नुपर्ने बताएका हुन् ।
उनले भने, ‘एउटा समितिले एउटा निर्णय गरिसकेपछि अर्को समितिको बैठक बसेर अर्कै निर्देशन दिने परिपाटीले एक प्रकारको असमझदारी बढेको छ । यसको समाधानका लागि समितिका सभापतिहरूले बसेर समाधान गरौँ । क्षेत्राधिकार मिचेर निर्देशन दिने पनि केही अवस्थाहरू आउँछन् । तर संवादको माध्यमबाट यस्ता समस्याहरूलाई हल गर्दै लैजानुपर्दछ । ’
