चाल आर्थिक वर्षमा बैंकहरुले स्थायी निक्षेप सुविधा उपयोग गरी ६२ खर्ब रुपैयाँभन्दा धेरै रकम राष्ट्र बैंकमा राखेका छन्। बैंकहरुले ७८५ पटकको कारोबारमा ६२ खर्ब ३ अर्ब ९० करोड रुपैयाँ राष्ट्र बैंकमा राखेका हुन्।
यो तथ्याँक गत असार, साउन र भदौ महिनाको हो। यो दिन महिनामा बैंकहरुमा अधिक तरलता हुँदा बैंकहरुले ठुलो रकम राष्ट्र बैंकमा लगेर राखेका हुन्।
अहिले पनि बैंकहरुले १ खर्ब ६४ अर्ब रुपैयाँ स्थायी निक्षेप सुविधा प्रयोग गरी राष्ट्र बैंकमा राखेका छन्। जुन पैसामा बैंकहरुले ३ प्रतिशत ब्याज पाउने छन्। स्थायी निक्षेप सुविधा प्रयोग गरी बैंकहरुले ३ दिनको लागि राष्ट्र बैंकमा पैसा राख्न पाउछन्।
यसैगरी निक्षेप संकलन उपकरणमार्फत पनि बैंकहरुले १ खर्ब १९ अर्ब रुपैयाँ केन्द्रीय बैंकमा राखेका छन्।
