२७ भदौ, विराटनगर। मोरङको एक सहकारी संस्थामा ठगीको नयाँ शैली फेला परेको छ, जहाँ सहकारीका अध्यक्षले आफ्नै सदस्यदेखि सञ्चालकलाई समेत ठगेका छन् ।
धनपालनाथ गाउँपालिका–४ कर्सिया बजारमा रहेको उमा गौरी कृषि सहकारी संस्थाको ठगी प्रकरणमा स्वयं अध्यक्ष शम्भुप्रसाद रौनियार संलग्न भएका हुन् । २०६८ सालमा स्थापना भएको यो सहकारी अहिले संकटग्रस्त छ । १८ करोड रुपैयाँ कुलपूँजी रहेको सहकारीबाट करिब १२ करोड रुपैयाँ हिनामिना भएको छ ।
