नेपाल बिमा प्राधिकरणले जीवन बीमा कम्पनीहरूलाई पाँच अर्ब रुपैयाँ र निर्जीवन बिमा कम्पनीहरूलाई दुई अर्ब ५० करोड रुपैयाँ चुक्ता पुँजी तोकेको छ।
अहिले १४ बिमा कम्पनीहरूले यस्तो चुक्ता पुँजी पुर्याउन बाँकी छ। यी कम्पनीहरूले न्यूनतम ३६ करोड रुपैयाँदेखि चार अर्ब ९० करोड रुपैयाँ पुँजी थप्नुपर्ने देखिएको हो।
कम्पनीहरूले बोनस सेयर, हकप्रद सेयर वा थप सेयर निष्कासन (एफपीओ) गरेर पुँजी पुर्याउन पर्ने हुन्छ। कम्पनीहरूले अहिले भइरहेको पुँजीमा करिब आठ प्रतिशतदेखि ४९ गुणासम्म पुँजी थप्नुपर्ने छ।
सरकारी लगानीसमेत रहेका राष्ट्रिय जीवन बीमा कम्पनी र राष्ट्रिय बीमा कम्पनीको पुँजी गुणात्मक बढाउनुपर्ने देखिएको हो।
