नेपाल राष्ट्र बैंकका अनुसार बैंकिङ प्रणालीमा निक्षेप संकलनमा केही गिरावट आएको छ । कर्जा प्रवाहको गति सुस्त छ । विगतमा बैंकमा पैसा नहुँदा ग्राहकले कर्जा पाउन सकेका थिएनन् । अहिले माग नहुँदा बैंकले कर्जा प्रवाह गर्न सकेको छैन् ।
केन्द्रीय बैंकको भदौ १५ गतेको तथ्यांक हेर्दा बैंकिङ प्रणालीमा ६४ खर्ब ६७ अर्ब निक्षेप संकलन भएको थियो । भदौ १६ गते भने ६४ खर्ब ६४ अर्ब बराबरको निक्षेप संकलन भएको छ। यो तथ्यांक हेर्दा एक दिनमा ३ अर्बले निक्षेप संकलन घटेको देखिन्छ ।
