काठमाडौं : सेयर बजार बढेसँगै सञ्चालनमा रहेका कुमारी सामूहिक लगानी कोषको व्यवस्थापनमा सञ्चालित ४ वटै म्युचुअल फन्डको प्रतिइकाई खुद सम्पति मूल्य (न्याभ) बढेको छ । यस्तै, यी फन्डहरुको नाफामा पनि निकै राम्रो सुधार देखिएको छ ।
जसमा कुमारी इक्विटी फन्डको प्रतिइकाई खुद सम्पति मूल्य (न्याभ) साउन मसान्तमा १ रुपैयाँ ७५ पैसाले बढेर १२ रुपैयाँ ७१ पैसा कायम भएको छ । असारमा यस फन्डको न्याभ १० रुपैयाँ ९६ पैसा रहेको थियो ।
साउन महिनासम्म आइपुग्दा यस फन्डको सूचीकृत कम्पनीहरुको सेयरमा लगानी पनि बढेको छ । यसअवधिसम्म सूचीकृत कम्पनीको सेयरमा लगानी ७५ करोड ८७ लाख रुपैयाँबाट बढेर ८८ करोड ४७ लाख रुपैयाँ पुगेको छ ।
