चाडपर्व नजिकिएसँगै सरकारले चाडपर्व लक्षित बजार अनुगमनका लागि गृहकार्य सुरु गरेको छ । वाणिज्य, आपूर्ति तथा उपभोक्ता संरक्षण विभागले चाडपर्वका बेला चाडपर्वलक्षित अनुुगमन गर्नका लागि विशेष योजना बनाउन गृहकार्य सुरु गरेको जनाएको छ ।
सामान्य अवस्थामा दैनिक रुपमा तीन वटा टोलीले अनुुगमन गर्दै आएकोमा चाडपर्वका बेलामा दश वटा टोलीले छुट्टाछुट्टै वस्तुुको अनुगमन गर्ने तयारी भएको विभागले जनाएको छ । विभागका सुचना अधिकारी राकेश पाण्डेले हाल बजार अनुगमनका लागि विभागले मन्त्रालय र सम्बन्धित निकायसँग छलफल गर्ने तयारी भइरहेको बताए ।
