काठमाडौँ । सरकारले लगानी बोर्डको प्रमुख कार्यकारी अधिकृत (सीईओ) का लागि दरखास्त माग गरेको छ । सार्वजनिक–निजी साझेदारी तथा लगानी ऐन, २०७५ को दफा १२ को उपदफा (५) बमोजिम तथा सिफारिस सम्बन्धी कार्यविधि, २०८१ अनुसूचि १ बमोजिम सोमबार प्रधानमन्त्री तथा मन्त्रीपरिषद्को कार्यालयले निवेदन आह्वान गरेको हो ।
२०८० साउन २१ गतेदेखि सीईओ शुशील भट्टको कार्यकाल सकिएसँगै बोर्ड नेतृत्व विहीन छ । सोही रिक्त पद पूर्तिका लागि सरकारले दरखास्त माग गरेको हो । सूचना अनुसार योग्यता पुगेको नेपाली नागरिकले भदौ १० गतेभित्र दरखास्त दिन सक्नेछन् ।
