काठमाडौँ । स्थानीय तथा प्रादेशिक सडक सञ्जाल सुधार परियोजनाका लागि नेपाल सरकारले विश्व बैंकसँग १० करोड अमेरिकी डलर बराबरको आर्थिक सहयोग लिने भएको छ । विश्व बैंकअन्तर्गतको अन्तर्राष्ट्रिय विकास संघ (आईडीए) बाट सरकारले उक्त सहयोग लिने भएको हो ।
यस आर्थिक सहयोगले नेपालका प्रान्तीय क्षेत्रको कनेक्टिभिटी, दक्षता, लचिलोपन र सुरक्षामा सुधार गर्न मद्दत गर्ने विश्वास व्यक्त गरिएको छ । हालैमात्र राजधानीमा एक कार्यक्रममा बिच नेपाल र आईडीए प्रतिनिधिबिच आर्थिक सहायता सम्बन्धी सम्झौतापत्रमा हस्ताक्षर भएको छ ।
