काठमाडौं । मूलधारका व्यावसायिक मिडियाको छाता संगठन मिडिया एलायन्स नेपालले अहिले मिडिया उद्योगले आर्थिक, प्राविधिक र व्यवस्थापकीय समस्याको सामना गरिरहेकाले लोकतन्त्रको मेरुदण्डका रूपमा रहेको मिडियालाई अझ सशक्त बनाउन सरकारले केही विषयमा सहजीकरणका साथ सहुलियत दिनुपर्ने माग गरेको छ ।
मिडिया एलायन्सले बुधबार उपप्रधान तथा अर्थमन्त्री विष्णु पौडेलसँग भेट गरी विज्ञापनमा एकद्वार नीति अपनाउनसमेत आग्रह गरेको छ ।
मिडिया एलायन्सका अध्यक्ष भाष्करराज राजकर्णिकारले मिडिया कोरोनापछि आर्थिक संकटमा गुज्रिरहेको बताउँदै बिनाधितो ३ प्रतिशत ब्याजमा ५ देखि २५ करोडसम्म कर्जा उपलब्ध गराउन अर्थमन्त्रीसमक्ष माग गरे ।
