भारतले सुनमा उल्लेख्य मात्रामा कर घटाएपछि नेपाली व्यवसायीहरू निरूत्साहित भएका छन्।
भारतले लिएको भन्सार नीतिको प्रभाव नेपाललाई तत्काल पर्ने गर्छ। चालु वर्षमा नेपाल सरकारले सुनमा भन्सारदर बढाएको छ भने भारतले घटाएको छ।
यसअघि नेपाल र भारतमा सुनको भन्सारदर समान १५ प्रतिशत कायम गरिएको थियो। चालु वर्षको बजेटबाट नेपालले सुनको भन्सारदर ५ प्रतिशले बढाएर २० पुर्यायो।
भारत सरकारले भने ९ प्रतिशतले घटाएर ६ प्रतिशतमा झार्यो। अर्थात् अब भारतले सुन आयात गर्ने क्रममा ६ प्रतिशत मात्रै भन्सार उठाउँछ। नेपालले २० प्रतिशत उठाउँछ।
