नेपाल राष्ट्र बैंकले बुधबार जारी गरेको तथ्यांकमा सेयर बजारको क्षेत्रमा भएको गतिविधिको तथ्यांक सार्वजनिक गरेको छ ।
राष्ट्र बैंकले सार्वजनिक गरेको तथ्यांक अनुसार २०८० जेठ मसान्तमा धितोपत्र बजार पुँजीकरण २८ खर्ब ४४ अर्ब ११ करोड रुपैयाँ पुगेको छ । जेठ मसान्तमा २०४२.०७ रहेको नेप्से सूचकाङ्क २०८१ जेठ मसान्तमा २११२.३० कायम भएको छ । २०८१ जेठ मसान्तमा धितोपत्र बजार पुँजीकरण ३३४९ अर्ब ४८ करोड कायम भएको छ। २०८० जेठ मसान्तमा बजार पुँजीकरण २९८६ अर्व २० करोड रहेको थियो । त्यस्तै,२०८१ जेठ मसान्तमा नेपाल स्टक एक्सचेन्ज लिमिटेडमा सूचीकृत कम्पनीहरूको संख्या २७० पुगेको छ । सूचीकृत कम्पनीहरुमध्ये १३२ बैंक तथा वित्तीय संस्था र बीमा कम्पनी रहेका छन् भने ९१ जलविद्युत् कम्पनी, २२ उत्पादन तथा प्रशोधन उद्योग, ७ होटल, ७ लगानी कम्पनी, ४ व्यापारिक संस्था र ७ अन्य समूहका रहेका छन् । २०८० जेठमा सूचीकृत कम्पनीहरूको संख्या २५४ रहेको थियो ।
