काठमाडौँ । अर्थ मन्त्रालयका सचिव मधुकुमार मरासिनीले बैंकहरूमा रहेको ६ खर्ब लगानीयोग्य रकमलाई बजारमा लैजान आर्थिक नीतिमार्फत सरकारले सहज गर्ने बताएका छन् । मंगलबार नेपाल आर्थिक पत्रकार समाजले आयोजना गरेको आगामी मौद्रिक नीति विषय छलफल कार्यक्रममा बोल्दै सचिव मरासिनीले सरकारले पारदर्शी रूपमा नै बजारलाई चलायमान बनाउने बताएका हुन् ।
उनले अर्थ मन्त्रालयले बैंकमा भएको ६ सय अर्ब लगानीयोग्य रकमलाई नीतिगत रूपमा सहजीकरण गरी बजारमा जाने वातावरण बनाउने बताए । उनले उक्त पैसा निकास गर्न आर्थिक नीतिमार्फत सहज गर्न कुनै पनि कसर बाँकी नराख्ने उल्लेख गरे ।
