काठमाडौँ । चालु आर्थिक वर्षको ११ महिनामा मुलुकको व्यापार घाटा १३ खर्ब १४ अर्ब ४४ करोड पुगेको छ । जेठ मसान्तसम्म कूल १४ खर्ब ५३ अर्ब ७० करोड ४१ लाख ९२ हजार रुपैयाँ बराबरको वस्तु तथा सेवा आयात गर्दै गर्दा सोही अवधिमा यताबाट जम्मा १ खर्ब ३९ अर्ब २६ करोड २३ लाख ३३ हजार रुपैयाँ बराबरको मात्र वस्तु निर्यात हुन सकेको हो ।
समीक्षा अवधिमा वैदेशिक व्यापारतर्फ आयात र निर्यात गरी कूल १५ खर्ब ९२ अर्ब ९६ करोड ६५ लाख २५ हजार रुपैयाँ बराबरको कारोबार भएको छ । जुन अघिल्लो वर्षको यसै अवधिको तुलनामा १.९५ प्रतिशतले कमी हो ।
