काठमाडौं । कर प्रणाली सुधारसम्बन्धी उच्चस्तरीय समितिले प्रतिवेदनका सुझावहरू, नीतिगत तथा प्रणालीगत सुधारहरू कार्यान्वयन भएमा प्रक्षेपित राजस्वमा करिब २ खर्ब ९१ अर्ब थप राजस्व संकलन हुने जनाएको छ ।
विद्यासुन्दर मल्लिक अध्यक्ष रहेको समितिले अर्थ मन्त्रालयसमक्ष पेस गरेको प्रतिवेदनले आर्थिक वर्ष २०८१–०८२ मा १३ खर्ब २० अर्ब ९८ करोड ६० लाख रुपैयाँ राजस्व उठ्ने प्रक्षेपण गरेको छ । यदि आफूहरूको समितिले दिएको सुझावलाई कार्यान्वयन गरेको खण्डमा यसमा पनि थप २ खर्ब ९१ अर्ब राजस्व संकलन हुने दाबी समितिको रहेको छ ।
